NAFSI SI HURU

Sheria nyingi za nini mwatunga, ilhali kwa kusudi  mwazivunja

Wanasheria na waheshimiwa yakiwemo, miongoni  mwa majina mengi mnayojiita

Eti yanatokana na baadhi ya mataji mengi wenyewe mnayojitwika

Umekua mtindo kuvunja sheria kwa kufanya fujo mikutanoni

Nami naikamata kalamu yangu kama tindo

Za Arudhi nazivunja kamwe sizingatii mitindo

Ila sio kusudi,  Yakuandika yamezidi mengi

Meli kisha ng’oa nanga, nasikitika sina muda

 Mezani basi sikai tena,eti nitosheleze mizani

Mengi maovu wayafanyayo, wanyafanya hadharani

Kwa kusudi watutiya tafarani Kila uchao mwingine wao,

 Mfisadi afichuliwa tena  miungoni mwao

Ungozi kwao viongozi, umekuwa kama mchezo

 Kulaumiana mbele ya umma, maskini anapo umia

Sina budi kusita kila mara katika uandishi wangu

Dakika moja kwa heshima za mashujaa babu zetu

Kwa imani, popote walipo, natumai wapo pema peponi

Wao waliojinyima kizalendo  zao nyoyo kazitoa vichakani

Kajikaza kisabuni, kusudi wajukuu tuishi pasipo mashakani

Laiti wangalijua, wasingali mfukuza mkoloni

Ninao ushahidi wa Mashujaa waliobaki mkononi

Haufichiki uchungu wanaohisi moyoni

Wanahudhuria sherehe za kusherekea uhuru kwa huzuni

Tayari nchi imenyakuliwa tena na majirani wetu

Kiongozi wetu ni rafiki yake kiongozi wa wanyakuzi

Sijui tuwalaumu akina nani safari hii

Wanaoiba asilimali ya umma twawaona magazetini

Ilhali maskini wasio na hatia wamejazwa gerezani

Hakika ni mengi myafanyayo, tuelezani za nani mwafuata nyayo